കൊഴിഞ്ഞു പോയ ദിനങ്ങളുടെ കണക്കെടുക്കാതെ നാം സൗഹൃദം പങ്കുവച്ചപ്പോഴും, ഹൃദയസ്പന്ദനങ്ങളുടെ നേരിയ വ്യതിയാനം പോലും അന്യോന്യം തിരിച്ചറിഞ്ഞപ്പോഴും, കാണാതിരുന്ന നിമിഷങ്ങള്‍ യുഗങ്ങളായും, ഒത്തുചേര്‍ന്ന യുഗങ്ങള്‍ നിമിഷങ്ങളായി മാറിയപ്പോഴും , നിന്നില്‍ അറിയാതെ പതിക്കുന്ന ഒരു ദൃഷ്ടി പോലും എന്നെ അസ്വസ്ഥയാക്കിയപ്പോഴും... അപ്പോഴൊന്നും ഞാന്‍ അറിഞ്ഞില്ല , ഞാന്‍ നിന്നെ പ്രണയിക്കുകയായിരുന്നെന്നു.....
ഇന്നു നീ എന്നെ വിട്ടകന്ന ഈ വൈകിയ വേളയില്‍ ഞാന്‍ അറിയുന്നു..നീ എനിക്ക് ആരായിരുന്നെന്ന് ... നിന്റെ മനസിലെ നേരിയ ഭാവമാറ്റം പോലും അറിയാന്‍ കഴിയും എന്ന് അഭിമാനിച്ചിരുന്ന ഞാന്‍ , എനിക്ക് പൂര്‍ണതയേകാന്‍ നീ വേണമെന്നു എന്റെ ഹൃദയം മന്ത്രിച്ചത് കേള്‍ക്കാതെ പോയി.....അതെ ഇന്നു ഞാന്‍ അറിയുന്നു....നിന്റെ ചിരിയെ ഞാന്‍ സ്നേഹിച്ചിരുന്നെന്നു..കാരണം നീ എന്നെ വിട്ടകന്നപ്പോള്‍ എനിക്ക് നഷ്ടമായതും അത് തന്നെ....
എന്നാലും ഒരു സംശയം മാത്രം ബാക്കി...പരസ്പ്പരം അറിയാന്‍ ഇനി ഒന്നും ബാക്കി ഇല്ലാന്ന് കരുതിയ നീ എന്റെ മനസ്സു തിരിച്ചറിഞ്ഞില്ല...അത് പോലെ ഞാനും നിന്നെ അറിയാതെ പോയോ????
ഉത്തരം തരാന്‍ ഇന്നു നീ എന്‍ അരികില്‍ ഇല്ലല്ലോ.......അതിനാല്‍ കുട്ടിക്കാലത്ത് ഉത്തരമ്മുട്ടിച്ച ഒട്ടനവധി കടംകഥയുടെ പട്ടികയില്‍ ഒന്നായി ഇതും അവശേഷിക്കട്ടെ..........
~ranju~
mmmm Ranjus good keep it up.All the best.........
ReplyDeletethankuu thaankuu :)
ReplyDelete